يعني اي زيت معدني؟

إيه هو الزيت المعدني (Mineral Oil)؟

الزيت المعدني هو النوع التقليدي والأقدم من زيوت التشحيم. بيتم إنتاجه عن طريق تكرير البترول الخام، وبعدها بيتضاف له شوية إضافات (Additives) عشان يحسنوا خصائصه زي مقاومة الأكسدة أو الحماية من الصدأ.

الزيت المعدني العادي هو أبسط نوع زيوت، معمول من تكرير البترول الخام من غير عمليات معقدة. بس خلي بالك عشان بيحتاج تغيير اسرع لأنه بيتحلل بسرعة مع الحرارة

وبرضو هو مناسب اكتر للمحركات او المعدات القديمة واللي مش محتاجة أداء عالي

تعالا بقا قبل ما اقول الخصائص و مميزاته و عيوبه اقولك ليه الشركات لسا بتبيعه لحد انهاردا

بص يصديقي اللوبتركاوي الشركات لسا بتبيعه لغاية انهاردا لسببين رئيسيين

الاول و هو التكلفة

الزيت المعدني ارخص بكتيير و ده بيخلي ناس كتير تفضله خصوصا لو عربيتهم قديمة او معدات مش محتاجة اداء عالي

السبب التاني بقا الا و هو الملائمة للمواتير القديمة

هتسألني يعني اي هقولك ببساطة في محركات تصميمها قديم فبالتالي الزيت المعدني بيبقي انسب لأن اللزوجة بتاعته بتسد الخلوص بشكل افضل من الزيت التخليقي الخفيف

ويلا يعزيزي اللوبتراكاوي نستعرض خصائص الزيت المعدني

الخصائص:

المميزات:

• بيتكون بشكل أساسي من جزيئات هيدروكربونية طبيعية.
• فيه نسبة شوائب أعلى مقارنة بالزيوت التخليقية.
• لزوجته مش ثابتة قوي مع الحرارة: في السخونة ممكن يبقى أرفع، وفي البرد يبقى أتقل.

• سعره أرخص من التخليقي.
• مناسب للمواتير القديمة أو المعدات اللي مش محتاجة أداء عالي.
• متوفر على نطاق واسع في السوق.

العيوب:

• بيتأكسد ويتحلل بسرعة مع الحرارة العالية.
• محتاج يتغير أسرع من التخليقي.
• حمايته من التآكل والرواسب أقل.

أمثلة استخدام:

• العربيات القديمة.
• المعدات البسيطة.
• الصناعات اللي مش محتاجة تحمل حراري عالي.

وبس كدا عزيزي اللوبتراكاوي

كدا اكون اكون قولتلك اي هو الزيت المعدني