Blog
زيوت التوربينات: الأنواع والخصائص وأفضل الممارسات التشغيلية
ايه هي زيوت التوربينات؟
زيوت التوربينات مش مجرد مادة تشحيم، دي عنصر أساسي بيحافظ على استقرار التوربينة وكفاءتها. سواء في الكهرباء أو المصانع أو الرياح أو السفن، الزيت هو اللي بيمنع الاحتكاك، يطرد الحرارة، ويمنع أي عطل ممكن يوقف التشغيل.
أنواع زيوت التوربينات
زيوت التوربين البخاري
مصممة تتحمل حرارة ورطوبة وبخار، وتقاوم الصدأ والتآكل.
زيوت التوربين الغازي
بتتعرض لحرارة أعلى وسرعات دوران كبيرة، فلازم تكون ثابتة كيميائيًا ومقاومة للأكسدة.
زيوت التوربين المائي وتوربينات الرياح
لازم تمنع الرغوة وتتحمل وجود مياه أو تغير أحمال وسرعات.
زيوت التوربين الصناعية والمختلطة
تستخدم في المحطات والمصانع والسفن وغالبًا بتكون تخليقية أو نصف تخليقية.
طب اي الخصائص اللي تميز زيوت التوربينات؟
نقاء عالي وخالي من الشوائب
ثبات في اللزوجة تحت الضغط والحرارة
مقاومة ممتازة للأكسدة
منع تكوين رغوة أو طين أو رواسب
حماية من الصدأ والتآكل
تبريد وتزييت للمحامل والأجزاء الدوارة
توافق مع الأنظمة الهيدروليكية لو مستخدم في التحكم
طب ياتري اي افضل ممارسات تشغيلية؟
تحليل الزيت دوريًا
متابعة اللزوجة، الـ TAN، الـ TOST عشان نحدد عمر الزيت الفعلي.
الاهتمام بالفلاتر
تنضيف أو تغيير الفلاتر يمنع الشوائب اللي بتضعف الكفاءة.
مراقبة مستوى التلوث
المياه والرطوبة أكبر عدو، فلازم قياسهم باستمرار.
الالتزام بإضافات مناسبة
إضافات مضادة للأكسدة والرغوة حسب توصية الشركة المصنعة.
عدم الخلط بين الزيوت
حتى لو نفس الدرجة، الإضافات ممكن تتعارض وتخرب النظام.
خلاصة الكلام زيت التوربينات يا بشمهندس هو خط الدفاع الأول عن المنظومة، واختياره الصحيح وتحليل حالته هو اللي بيضمن أداء ثابت وعمر أطول وصيانة أقل. الالتزام بالتوصيات مش رفاهية… ده أمان وتشغيل وفلوس متوفرة على المدى الطويل.